Genesis 5:1 φαι πε `πϫωμ `νθαμιο `μπιρωμι `μπιὲϩοου ὲτα `φνουϯ θαμιο `ναδαμ αϥθαμιοϥ κατα ϯϩικων `μ`φνουϯ .
Genesis 5:2 ουοϩ αϥθαμιωου ουϩωουτ νεμ ου`ςϩιμι ουοϩ αϥ`ςμου ὲρωου αϥϯρεν πεϥραν ϫε αδαμ `μπιὲϩοου ὲταϥθαμιωου `μμοϥ .
Genesis 5:3 αϥωνϧ δε `νϫε αδαμ ϣε μαπ `νρομπι ουοϩ αϥ`ϫφο `νουϣηρι πεϥ`ςμοτ νεμ κατα τεϥϩικων ουοϩ αϥϯρεν πεϥραν ϫε ςηθ .
Genesis 5:4 αυϣωπι δε `νϫε νιὲϩοου `ντε αδαμ μενενςα `θρεϥ`ϫφο `νςηθ `ν`ϣμην ϣε `νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:5 ουοϩ αυϣωπι `νϫε νιὲϩοου τηρου `ντε αδαμ ὲταϥωνϧ `μμωου ψιτ ϣε νεμ μαπ `νρομπι ουοϩ αϥμου .
Genesis 5:6 αϥωνϧ δε `νϫε ςηθ ϣε `τιου `νρομπι ουοϩ αϥ`ϫφο `νενως .
Genesis 5:7 ουοϩ αϥωνϧ `νϫε ςηθ μενενςα `θρεϥ`ϫφο `νενως `ν`ϣμην ϣε νεμ ϣαϣϥ `νρομπι ουοϩ αϥ`ϫφο `νϩανϣηρι νεμ ϩανϣερι
Genesis 5:8 ουοϩ αυϣωπι `νϫε νιὲϩοου τηρου `ντε ςηθ ψιτ ϣε νεμ μητ 2. `νρομπι ουοϩ αϥμου .
Genesis 5:9 ουοϩ αϥωνϧ `νϫε ενως `νπιςταυ `νρομπι ουοϩ αϥ`ϫφο `νκαιναν .
Genesis 5:10 ουοϩ αϥωνϧ `νϫε ενως μενενςα `θρεϥ`ϫφο `νκαιναν `νϣμην ϣε νεμ μητ `τιου `νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:11 ουοϩ αυϣωπι `νϫε νιὲϩοου τηρου `ντε ενως ψιτ ϣε νεμ `τιου `νρομπι ουοϩ αϥμου .
Genesis 5:12 ουοϩ αϥωνϧ `νϫε καιναν `ν`ϣβε `νρομπι ουοϩ αϥ`ϫφο `μμαλελεηλ.
Genesis 5:13 αϥωνϧ δε `νϫε καιναν μενενςα `θρεϥ`ϫφο `μμαλελεηλ `ν`ϣμην ϣε νεμ `ϩμε `νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:14 ουοϩ αυϣωπι `νϫε νιὲϩοου τηρου `ντε καιναν ψιτ ϣε νεμ μητ `νρομπι ουοϩ αϥμου .
Genesis 5:15 ουοϩ αϥωνϧ `νϫε μαλελεηλ ςε `τιου `νρομπι ουοϩ αϥ`ϫφο `νιαρεδ .
Genesis 5:16 ουοϩ αϥωνϧ `νϫε μαλελεηλ μενενςα `θρεϥ`ϫφο `νιαρεδ `ν`ϣμην ϣε νεμ μαπ `νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:17 ουοϩ αυϣωπι `νϫε νιὲϩοου τηρου `ντε μαλελεηλ `ϣμην ϣε νεμ πιςταυ `τιου `νρομπι ουοϩ αϥμου .
Genesis 5:18 ουοϩ αϥωνϧ `νϫε ιαρεδ ϣε ςε 2. `νρομπι ουοϩ αϥ`ϫφο `νενωχ .
Genesis 5:19 ουοϩ αϥωνϧ `νϫε ιαρεδ μενενςα `θρεϥ`ϫφο `νενωχ `ν`ϣμην ϣε `νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:20 ουοϩ αυϣωπι `νϫε νιὲϩοου τηρου `ντε ιαρεδ ψιτ ϣε νεμ ςε 2. `νρομπι ουοϩ αϥμου .
Genesis 5:21 ουοϩ αϥωνϧ `νϫε ενωχ `νςε `τιου `νρομπι ουοϩ αϥ`ϫφο `νμαθουςαλα .
Genesis 5:22 ενωχ δε αϥραναϥ `μ`φνουϯ μενενςα `θρεϥϫφο `νμαθουςαλα `ν3. ϣε `νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:23 ουοϩ αυϣωπι `νϫε νιὲϩοου τηρου `ντε ενωχ 3. ϣε ςε `τιου `νρομπι
Genesis 5:24 ουοϩ ενωχ αϥραναϥ `μ`φνουϯ ουοϩ ναυϫιμι `μμοϥ αν πε ϫε `φνουϯ ουοθβεϥ ὲβολ .
Genesis 5:25 ουοϩ αϥωνϧ `νϫε μαθουςαλα `νϣε ϧεμνε ϣαϣϥ `νρομπι ουοϩ αϥ`ϫφο `νλαμεχ .
Genesis 5:26 αϥωνϧ δε `νϫε μαθουςαλα μενενςα `θρεϥ`ϫφο `νλαμεχ `νϣαϣϥ ϣε νεμ ϧεμνε 2. νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:27 ουοϩ αυϣωπι `νϫε νιὲϩοου τηρου `ντε μαθουςαλα ὲταϥωνϧ `μμωου ψιτ ϣε νεμ ςε ψιτ ψνρομπι ουοϩ αϥμου .
Genesis 5:28 ουοϩ αϥωνϧ `νϫε λαμεχ `νϣε ϧεμνε `ϣμην `νρομπι ουοϩ αϥ`ϫφο `νουϣηρι .
Genesis 5:29 αϥϯρεν πεϥραν ϫε νωε εϥϫω `μμος ϫε φαι εθναϯ`μτον ναν ὲβολ ϧεν νεν`ϩβηουὶ νεμ ὲβολϩα πικαϩι ὲτα `πϭοις `φνουϯ `ςϩουορτϥ .
Genesis 5:30 ουοϩ αϥων`νϫε λαμεχ μενενςα `θρεϥ`ϫφο `ννωε `τιου ϣε νεμ πιςταυ `τιου `νρομπι ουοϩ αϥ`ϫφο `νϩανϣηρι νεμ ϩανϣερι .
Genesis 5:31 ουοϩ αυϣωπι `νϫε νιὲϩοου τηρου `ντε λαμεχ `ϣβε ϣε νεμ `ϣβε ϣαϣϥ `νρομπι ουοϩ αϥμου.
Genesis 5:32 ουοϩ νωε ναϥχη ϧεν `τιου ϣε `νρομπι πε ουοϩ ὰ νωε `ϫφο 3. `νϣηρι ςημ Χαμ νεμ ιαφεθ